Sulefjellet Vandring

  • Foto: Thor Østbye

Viktig informasjon

  • Destination Vang
  • Season januar–desember
  • Difficulty Vanskelig
  • Distance 5.9 kilometer
  • Elevation 550 meter
  • Duration 2.5–4 timer

Legg i favoritter

Om Sulefjellet

Me vel turen frå Gamlestøgun. Ta av frå E-16 mot ”Tyin-Filefjell Skisenter” og ”Gamlestøga”. Køyr bomveg til vegs ende, 2,6 km. Parker langs vegen før innkøyring til stølsområdet. Fylg stig og merking på nordsida av stølsgjerdet mot Sulebu. Frå Sulebu fylgjer du T-merka stig mot Breistølen til Suleskaret (1500 moh.).

Rett før lite tjedn vest for topp 1528 moh går stigen nesten oppi noko som må vera ei dyregrav inntil ein berghamar. Nokre meter før stigen går bratt ned til Suleskartjednet (1442 moh.), går du til venstre (søraust) i terrengsøkk. Fylg dette litt nedover og sikt inn på ”steinsett terrasse”, som liknar ein smal veg i berget, nedst på Sulefjellet og som går oppover mot sør. Gå vidare i ur rundt på sørsida av bratt kant til venstre, eller finn ei lei opp den bratte kanten. Fylg terrengsøkket vidare austover mot toppen. Her er det lett å gå, for i ura er det mange gangar av grus, jord, mose og lav. Frå toppen har du minst den same flotte utsikta som frå Suletinden.

Det finst også andre ruter opp på og ned frå Sulefjellet, men dei er meir risikofylte og difor tek me dei ikkje med her.

Legg i favoritter

Del Tweet

Åpne opplevelsen i appen

Sulefjellet kart