Fondsbu - Olavsbu

Vandring 6 - 8 t 13.2 km

Turen startar bak hotellet og går forbi Vinjebue. Rett etter brua over Mjølkedøla (mjølke betyr ”kvit av leire”) tek du vegen til venstre (mot nordvest), skilta ”Olavsbu/Skogadalsbøen”. Stigen går i jamn stigning oppover langs Mjøledøla, men på ca. 1300 moh går han ned på ei lita flate som strekkjer seg mot sør, og ca. 60 m midt utpå flata der to moreneryggar møtest i ei V-form, ligg ei reinsgrav med lange ledegjerde. Også 250-300 m lengre vest, på ein morenerygg like inntil Mjølkedøla, ligg 4 reinsgraver. Stigen kryp vidare opp til Store Mjølkedalsvatnet (1340 moh.) med flott utsyn mot Mjølkedalsbreen, Mjølkedalspiggen/Sage, Langeskavltinden, Mjølkedalstinden og Storegut, som Vinje har sett namn på. Her byrjar Jotunheimen Nasjonalpark. Frå nordsida av Høgbrothøgde går stigen i kupert terreng, delvis gjennom område med ur, og over ei og anna snøflate fram til den sjølvbetjente Turisthytta Olavsbu (1440 moh).

Likte du Fondsbu - Olavsbu? Finn opplevelser i nærheten.

Vinjeknappen på ski

2 t

4.6 km

Utsikten på ski

2 - 2.5 t

3.3 km

Eidsbugarden, noko for alle skientusiastar

6 - 7.5 t

12.6 km

Fondsbu - Gjendebu - Torfinnsbu

7 - 9 t

29.6 km